मनाङेले भने सम्पत्ति विवरण कसरी बुझाउ, सापटी दिएको फिर्ता भाकै छैन


ओकेजनता डेस्क
२७ भाद्र २०७८, आईतवार

काठमाडौं । गण्डकी प्रदेशका युवा तथा खेलकुदमन्त्री राजिव गुरूङ (दीपक मनाङे)ले सम्पत्ति विवरण सार्वजनिक गर्न ढिलाइ गरेका छन् । उनले आफ्नो सम्पत्ति कहाँ–कति छ भन्नेमा ‘कन्फ्यूज’ भएकाले सम्पत्ति विवरण सार्वजनिक गर्न नसकेको बताएका छन् ।

आइतबार एक कार्यक्रममा मनाङेले भने– सापटी दिएको पैसा फिर्ता भएको छैन, फिर्ता गर्ने हो कि होइन, अलिअलि भएको जग्गा पनि मुद्दा मामिलामा छ । मलाई नै कम्फ्यूज छ कि मसँग के छ, के छैन भनेर ।’

उनले विवरण बुझेर सार्वजनिक गर्न अझै केही समय लाग्ने बताए । मुख्यमन्त्रीसहित अरु मन्त्रीहरुले सम्पत्ति विवरण सार्वजनिक गरिसकेका छन् । तर गुरुङले विभिन्न कारण देखाउँदै विवरण सार्वजनिक गरेका छैनन् ।

भ्रष्टाचार निवारणसम्बन्धी ऐन, २०५९ ले सार्वजनिक पद धारण गरेको व्यक्तिले पद धारण गरेको ६० दिनभित्र आफ्नो वा परिवारको सम्पत्ति विवरण सार्वजनिक गर्नुपर्ने व्यवस्था छ ।

गण्डकी प्रदेशमा मनाङेसँगै भूमि, व्यवस्था, कृषि, सहकारी तथा गरिबी निवारणमन्त्री चन्द्रबहादुर बुढाले पनि सम्पत्ति विवरण बुझाएका छैनन् ।

प्रतिक्रिया दिनुहोस्