आइपिएल : हैदराबादको पहिलो जित


ओकेजनता डेस्क
१४ आश्विन २०७७, बुधबार

काठमाडौं । इन्डियन प्रिमियर लिग (आइपिएल)को युएईमा जारी १३ औं संस्करणमा सनराइजर्स हैदराबादले पहिलो जित निकालेको छ ।

अबुधाबीमा मंगलबार राति भएको खेलमा दिल्ली क्यापिटल्सलाई १५ रनले पराजित गर्दै हैदराबादले पहिलो जित निकालेको हो ।

शेख जायद स्टेडियममा हैदराबादले दिएको १ सय ६३ रनको लक्ष्य पछ्याएको दिल्लीले २० ओभरमा ७ विकेट गुमाएर १ सय ४७ रन मात्र बनाउन सक्यो ।

Jonny Bairstow of Sunrisers Hyderabad plays a shot during match 11 of season 13 of the Dream 11 Indian Premier League (IPL) between the Delhi Capitals and the Sunrisers Hyderabad held at the Sheikh Zayed Stadium, Abu Dhabi in the United Arab Emirates on the 29th September 2020. Photo by: Vipin Pawar / Sportzpics for BCCI

दिल्लीका शिखर धवनले ३४ तथा ऋषब पन्तले ३२ रन बनाए । शिम्रन हिटमायरले २१ रन जोड्दा कप्तान श्रेयस आयरले १७ रन बनाए । कागिसो राबडा १५ रनमा अविजित रहे ।

दिल्लीलाई सस्तैमा समेट्न राशिद खानले ३ विकेट लिए । भुवनेश्वर कुमारले २ विकेट झारे ।

Shikhar Dhawan of Delhi Capitals and Shreyas Iyer captain of Delhi Capitals takes a run during match 11 of season 13 of the Dream 11 Indian Premier League (IPL) between the Delhi Capitals and the Sunrisers Hyderabad held at the Sheikh Zayed Stadium, Abu Dhabi in the United Arab Emirates on the 29th September 2020. Photo by: Vipin Pawar / Sportzpics for BCCI

यस अघि टस हारेर पहिले ब्याटिङ गरेको हैदराबादले २० ओभरमा ४ विकेट गुमाएर १ सय ६२ रन बनाएको थियो ।

हैदराबादका लागि जोनी बेयर्स्टोले ४८ बलमा ५३ रनको अर्धशतकीय इनिङ्स खेले ।

कप्तान डेभिड वार्नरले ४५ रन जोड्दा केन विलियम्सनले ४१ रन बनाए । अब्दुल समाद १२ रनमा अविजित रहदा मनिस पाण्डे ३ रनमा आउट भए ।

दिल्लीका अमित मिश्रा र कागिसो राबडाले २र२ विकेट लिए ।

जितसँगै हैदराबादले ३ खेलमा २ अंक जोडेको छ । छैटौं स्थानमा रहेको हैदराबाद अघिल्ला दुई खेलमा पराजित भएको थियो ।

पहिलो खेलमा हैदराबाद रोयल च्यालेन्जर्स बैंगलोरसँग १० रनले पराजित भएको थियो । यस्तै दोस्रो खेलमा हैदराबाद कोलकत्ता नाइट राइडर्ससँग ७ विकेटले पराजित भएको थियो ।

नेपाली लेग स्पिनर सन्दीप लामिछाने आबद्द दिल्लीको यो पहिलो हार हो । तर, तीन खेलमा सन्दीपले मौका पाएका छैनन् । दोस्रो स्थानमा रहेको दिल्लीले ३ खेलमा ४ अंक जोडेको छ ।

अघिल्ला दुई खेलमा दिल्ली अपराजित रहेको थियो । दिल्लीले पहिलो खेलमा किङ्स इलाभेन पन्जाबलाई सुपर ओभरमा हराएको थियो । दोस्रो खेलमा दिल्लीले चेन्नई सुपर किङ्सलाई ४४ रनले हराएको थियो ।

प्रतिक्रिया दिनुहोस्