आइपिएल : रोयल च्यालेन्जर्स बैंगलोर विजयी


ओकेजनता डेस्क
१३ आश्विन २०७७, मंगलवार

काठमाडौं । रोयल च्यालेन्जर्स बैंगलोरले मुम्बई इन्डियन्सलाई सुपर ओभरमा पराजित गरेको छ ।
इन्डियन प्रिमियर लिग (आईपीएल) क्रिकेटमा टस हारेर पहिले ब्याटिङ गरेको बैंगलोरले ३ विकेटको क्षतिमा २ सय १ रन बनाएको थियो ।

२ सय २ रनको विजय लक्ष्य पछ्याएको मुम्बईले ५ विकेटको क्षतिमा २ सय १ रन नै बनाएपछि खेल बराबरी भयो ।

आईपीएल इतिहासमा पहिलो पटक दुई सयभन्दा धेरै रन बनाएर पनि म्याच टाई भएको यो पहिलो पटक हो ।

दुवै टिमको स्कोर बराबर भएपछि खेल सुपर ओभरमा गएको थियो । म्याचको एक समय मुम्बई हार्लाजस्तो देखिएको थियो । टिमको १५ ओभरमा ४ विकेट गुम्दा १ सय १२ रन थियो ।

मम्बईलाई जितका लागि ९० रन चाहिएको थियो । किरोन पोलार्ड १० र इशान किशन ६१ रन बनाएर क्रिजमा टिकीरहेका थिए । यहीँबाट दुवैले खेलमा बदलाव ल्याए । अन्तमा ५ ओभरमा ८९ रन बनाएपछि खेल बराबरी भयो ।

पोलार्डले २४ बलमा ६० रन र इशानले ५८ बलमा ९९ रन बनाए । दुवैले पाँचौं विकेटका लागि १ सय १९ रनको पार्टनरसिप गरेका थिए ।

सुपर ओभरमा मुम्बईले बैंगलोरलाई ८ रनको लक्ष्य दिएको थियो । जसलाई विराट कोहली र एबी डिभिलयर्सले सजिलै लक्ष्य हासिल गरे ।

आईपीएलको यस सिजनमा यो दोस्रो सुपर ओभर हो । यसअघि दिल्ली क्यापिटल्सले किंग्स इलाभेन पन्जाबलाई सुपर ओभरमा हराएको थियो ।

प्रतिक्रिया दिनुहोस्