सर्वोच्चको अर्को फैःसला २० गते हुँदै


ओकेजनता डेस्क
१४ फाल्गुन २०७७, शुक्रबार

काठमाडौं । नेपाल कम्युनिस्ट पार्टी (नेकपा)को स्वामित्वलाई लिएर चलेको विवादमा सर्वोच्च अदालतले यही फागुन २० गते निर्णय सुनाउने भएको छ ।

अहिले नेकपाका विभाजित दुई पक्षले आफू–आफू आधिकारिक भएको दाबी गर्दै आएका छन् । उता ऋषिराम कट्टेलले नेकपा पहिले आफूले दर्ता गराएको बताएका छन् ।

सो विवादको सम्बन्धमा बिहीबार सुनुवाइ सकिएपछि न्यायाधीशहरु बमकुमार श्रेष्ठ र कुमार रेग्मीको इजलासले फागुन २० गते निर्णय सुनाउने मिति तोकेको हो ।

तत्कालीन नेकपा एमाले र नेकपा माओवादीबीच एकीकरण भएलगत्तै निर्वाचनमा नेकपाको नाममा दल दर्ता गरिएको थियो ।

सो भन्दाअघि नै आफूले उक्त नाममा दल दर्ता गरिसकेको उल्लेख गर्दै ऋषिराम कट्टेलले सर्वोच्चमा रिट निवेदन दायर गर्नुभएको थियो ।

आफ्नो पार्टीसँग मिल्दोजुल्दो नाम राखिएको उल्लेख गर्दै रिट निवेदनमा त्यसलाई खारेज गरी आफ्नो पार्टीलाई आधिकारिकता दिन माग गरिएको थियो ।

नेकपा र माओवादी पार्टी एकीकरण हुनासाथ आयोगमा नेकपा नामको पार्टी दर्ता गरिएपछि प्रधानमन्त्री केपी शर्मा ओलीको अप्रत्यक्ष अगुवाइमा सो पार्टी गठन गरिएको भनी आरोप लाग्दै आएको थियो ।

नेकपाको पार्टी विवाद हुँदै नाममा समेत विवाद खडा भएको छ । यतिबेला दुवै पक्ष एकअर्कालाई रिझाउन लागेका छन् ।

सर्वोच्चले प्रतिनिधि सभा पुनस्र्थापित गरिदिएपछि अहिले दुवै पक्ष सकसमा परेका छन् ।

 

प्रतिक्रिया दिनुहोस्