मैले प्रधानमन्त्रीलाई यति भन्न मिल्दैन : गोकुल बास्कोटा


ओकेजनता डेस्क
१२ फाल्गुन २०७७, बुधबार

काठमाडौं । नेकपा ओली पक्षका नेता गोकुल बास्कोटाले सांसदहरुलाई खरिद बिक्री गर्न नसकिने बताएका छन् ।

एक टेलिभिजन अन्तर्वार्तामा बोल्दै उनले सांसदहरुलाई किनेर सत्ता निर्माण गर्न नसकिने बताएका हुन् ।

उनले भने, ‘कस्तो प्रश्न गरेको हो ? के सांसदलाई किनेर सरकार निर्माण गर्न सकिन्छ ? यस्ता उल्टा प्रश्न नगरौँ ।’

उनले एक फरक प्रसंगमा भनेका छन्, हँुदा खाँदाको दुई तिहाइको सरकारलाई लत्याएर देउवासँग मिल्न जानु गलत छ ।

उनले भने, ‘मुलुकलाई निकास दिन विगत बिर्सेर मिल्न जरुरी छ । नेकपाको विरासत कसैले पनि कुल्चन सक्दैन । हामी अरुसँग मिल्यौँ भने कमजोर बन्छौ । दुईचार दिन खुसी भएर लड्डु खाँदैमा केही हुनेवाला छैन ।’

उनले आफूले प्रधानमन्त्रीलाई राजीनामा नदिन भनेको बताएका छन् ।

प्रतिक्रिया दिनुहोस्