ओली–प्रचण्डका शनिबारे किस्सा : कतै हाँसो कतै ग्लानी !


ओकेजनता डेस्क
९ फाल्गुन २०७७, आईतवार

काठमाडौैं । प्रधानमन्त्री केपी शर्मा ओली शनिबार मोरङको विराटनगर पुगे । उनले त्यहाँको जनसभामा आफ्नो भाषण राखे । केही समय सुवासचन्द्र नेम्बाङ मञ्चमा आएर ओलीले आज खास घोषणा गर्दैछन् भनेका थिए । तर, ओलीको अधिकांश समय सभामुख र उपराष्ट्रपतिको आलोचनामै खर्चियो ।

उनले नयाँ विषय पनि प्रवशे गरे । उनले भने प्रतिनिधि सभा विघटन नभएमा हामी आन्दोलनमा जान्छौ । यो शनिबारको नयाँ र प्रधानमन्त्रीले अहिलेसम्म नबोलेको कुरा थियो ।

यता, प्रतिनिधिसभा विघटनविरुद्ध परेको रिटमा संवैधानिक इजलासले फैसला गर्नुपूर्व देश निर्वाचनमा गइसकेको सन्देश दिन नेकपा ओली पक्षले विराटनगरमा शनिबार सभा ग¥यो । प्रदेशका विभिन्न जिल्लाबाट आएका कार्यकर्ता तथा सहभागीलाई सम्बोधन गर्दै अध्यक्ष केपी शर्मा ओलीले कुनै प्रकारको षड्यन्त्र, सेटिङ भएर देश र जनताको विपक्षमा फैसला भए आन्दोलनमा जान्छौँ ।

यसअघि प्रतिनिधिसभा विघटनविरुद्ध आन्दोलनरत दाहाल–नेपाल पक्षले प्रयोग गरेको शब्दको हो, सेटिङ । ओली पक्षका नेताहरुले देशभर नै ‘हाम्रो सबैतिर सेटिङ भइसकेको छ, संसद विघटन सदर हुन्छ, सूर्य चुनाव चिन्ह पनि हाम्रै हुन्छ’ भन्दै हिँडेको भन्दै दाहाल–नेपाल पक्षका शीर्षनेताहरुले खबरदारी गर्दै आएका छन् ।

तर, शनिबार विराटनगरमा ठीक उल्टो सुनियो । चुनाव हुन्छ, हुन्छ भन्ने दाबी गरेका प्रधानमन्त्री ओलीले ‘सेटिङ’मा संसद पुनस्र्थापना भए आन्दोलन गर्ने चेतावनी दिए ।

सम्बोधनका क्रममा प्रधानमन्त्री ओलीले संसद पुनस्र्थापना भए सांसद किनबेच तथा सरकार बनाउने–ढाल्ने खेल हुने र यसले लोकतन्त्रलाई नै कमजोर बनाउने दाबी गरेका छन् ।

ओलीले अगाडि भने, ‘संविधानको मम र भावना हेरेको होला । मुलक कता जान्छ भन्ने विश्लेषण गरेकै होला ।’

प्रधानमन्त्री ओली सभास्थलमा पुग्दै गर्दा पूर्वसभामुख समेत रहेका ओली समूहका नेता सुवासचन्द्र नेम्वाङले संसद विघटनको मुद्दामा सर्वोच्च अदालतमा बहस सकिएको र फागुन ११ देखि १५ गतेभित्र फैसला आउने सुनाइरहेका थिए ।

प्रधानमन्त्री ओलीले आफूले सिङजुरो हाल्दिएपछि प्रचण्ड अहङ्कारी बनेको टिप्पणी गरेका छन् । ।

शनिबारको सभामा केन्द्रीय सदस्य एवं पूर्वमन्त्री शेरबहादुर तामाङ र प्रदेश १ की प्रदेशसभा सदस्य उषाकला राई आफ्नो समूहमा फर्किएको औपचारिक जानकारी दिइयो ।

जनसभालाई सम्बोधन गर्दै ओली पक्षका नेता एवं गृहमन्त्री रामबहादुर थापा बादलले अस्थिरता सृजना गर्न खोजिएपछि प्रतिनिधिसभा भङ्ग गरेर ताजा जनादेशमा जाने निर्णय भएको बताए ।

त्यस्तै, पछिल्लो समय नेकपा (दाहाल–नेपाल पक्ष)का अध्यक्ष पुष्पकमल दाहाल प्रचण्डले प्रधानमन्त्री बन्ने लोभ नभएको बताउँदै आएका छन् ।

यसैसाता गृहजिल्ला चितवनमा पुगेर पनि उनले प्रधानमन्त्रीको लोभ नभएको बताए । के अब संसद पुनस्थापना भयो भने प्रचण्डले प्रधानमन्त्रीमा दाबी गर्दैनन् त ?

शनिबार अनलाइनखबरले प्रचण्डसँग यसबारे थप स्पष्ट पार्न आग्रह गर्दा उनले संसद पुनस्थापनापछि प्रतिपक्षी दललाई सरकारको नेतृत्व गर्न दिनु उचित हुने प्रष्ट्याए ।

आफू वा आफ्नो दलबाट भन्दा प्रतिपक्षबाट प्रधानमन्त्री बनेमा जनतामा पनि उचित सन्देश जाने र अन्तरािष्ट्रय सम्बन्ध पनि राम्रो हुने प्रचण्डको विश्लेषण छ ।

उनले अगाडि भने, ‘तपाईले सिधा बुझ्दा हुन्छ, त्यसो गर्दाखेरि जनतालाई पनि ठीकै हुन्छ भन्ने पर्ने, देशमा राजनीतिक स्थायित्व पनि हुने, हाम्रा छिमेकी र अन्तरराष्ट्रिय शक्तिहरुसँग सम्बन्ध पनि सुमधुर बनाउन पनि सकिने कारणहरुले गर्दा मैले यो भनेको हुँँ ।’

प्रचण्डले थपे, ‘केपी ओलीको संविधानविरोधी, लोकतन्त्रविरोधी कदमका विरुद्ध जो सडकमा छन्, तिनै राजनीतिक दलबाट नै नेतृत्व हुने हो । त्यसमा लागेका नेताहरु नै नेतृत्वमा आउने हो । प्रधानमन्त्री हुने त्यहीँभित्रबाट हो ।’

ओलीको समर्थन गर्नेहरुका तर्फबाट भने प्रधानमन्त्री बन्ने केपी ओलीबाहेक अरु नभएको प्रचण्डले बताए । उनले भने, ‘केपीको समर्थन गर्नेबाट त अर्को प्रधानमन्त्री हुने कुरा भएन, केपी नै छँदैछन् ।’

संसद पुनःस्थापना हुनेमा प्रचण्ड ढुक्क देखिएका छन् । उनी भन्छन्, ‘अब सर्वोच्चले फैसला सुनाउन मात्रै बाँकी देख्छु । पुनःस्थापनाको विकल्प छैन भनेर फैसला सुनाउँछ भन्ने नै देख्छु जताबाट पनि ।’

प्रतिक्रिया दिनुहोस्