उखु किसानलाई रुवाउने उधोगी पक्राउ


ओकेजनता डेस्क
१५ माघ २०७७, बिहीबार

काठमाडौं । लामो समयसम्म उखु किसानको रकम भुक्तानी नगर्ने उधोगीलाई सरकारले निगरानीमा राख्दै पक्राउ गर्न थालेको छ ।

त्यहीँ क्रममा उखु किसानको लाखौं रुपैयाँ भुक्तानी नदिएको आरोपमा अन्नपूर्ण एवं इन्दिरा सुगर मिलका सञ्चालक राकेश अग्रवाल पक्राउ परेका छन् ।

त्रिपुरेश्वरस्थित घरबाटै उनलाई बुधबार पक्राउ गरिएको काठमाडौंका प्रहरी प्रमुख एसएसपी अशोक सिंहले बताए ।

अग्रवालविरुद्ध ठगी सम्बन्धी कसूरमा किटानी जाहेरी परेको छ । गत ३० मंसिरमा उखु किसानलाई भुक्तानी नदिने उद्योगलाई पक्राउ गरी रकम असूल्ने निर्णय गृह मन्त्रालयले गरेको थियो ।

यसअघि २०७५ कात्तिकमा पनि उनी उखु किसानलाई भुक्तानी नदिएको अभियोगमा पक्राउ परेका थिए ।

प्रतिक्रिया दिनुहोस्