बलात्कारको आरोपमा वडाध्यक्ष भरत बोहरा पक्राउ


ओकेजनता डेस्क
११ माघ २०७७, आईतवार

काठमाडौं । जबरजस्तीकरणीको मुद्धा दर्ता भएपछि रामेछापको मन्थली नगरपालिका वडा नम्बर १० का वडाध्यक्षलाई प्रहरीले पक्राउ गरेको छ ।

महानगरीय प्रहरी वृत ठिमीको टोलीले जिल्ला प्रहरी कार्यालय रामेछापसँगको समन्वयमा वडाध्यक्ष भरत बहादुर बोहरालाई पक्राउ गरेको हो ।

बोहराबिरुद्ध जबर्जस्ती करणी मुद्दा दर्ता गरिएको महानगरीय प्रहरी वृत ठिमीका डिएसपी ऋषिराम कँडेलले बताए ।

रामेछापबाट पक्राउ गरेर उनलाई भक्तपुर ल्याइएको छ । बोहोरासँग पूर्वपरिचित महिलाले १० दिनअघि ठिमी स्थित डेरामा आफुलाई बलात्कार गरेको भन्दै उजुरी दिएकी छिन् ।

मदिरा सेवन गरेर बलात्कारको उजुरी परेपछि प्रहरी पीडितको डेरामा पुगेको थियो । रक्सीले मातेर उनले बलात्कार गरेको पीडितको दावी छ ।

अदालतबाट म्याद लिएर बोहरामाथि अनुसन्धान गरिने डिएसपी कँडेलले बताए ।

प्रतिक्रिया दिनुहोस्