आर्थिक क्रान्तीले मात्रै विकास सम्भव छ : बोहरा


ओकेजनता डेस्क
२८ पुष २०७७, मंगलवार

काठमाडौं । नेकपा अध्यक्ष एवं प्रधानमन्त्री केपी शर्मा ओली पक्षका केन्द्रीय सदस्य झपट बोहराले राजनीतिक क्रान्तिसंगै आर्थिक क्रान्तिलाई पनि अगाडि बढाउन सकेमात्रै मुलुकले फड्को मार्ने बताउनुभएको छ ।

सोमबार अछाम सदरमुकाम मंगलसेनमा भएको पार्टीको कार्यक्रमलाई सम्बोधन गर्दै नेता बोहोराले देशलाई सही गतिमा अगाडि बढाउन प्रधानमन्त्री ओलीले सकारात्मक कदम चालेको बताउनुभयो ।

प्रधानमन्त्रीले गरको राम्रो काम देख्न नसकी पार्टी भित्रकै नेतृत्व सरकारलाई असफल बनाउन तर्फ उद्दत रहेकाले पार्टी विभाजनको स्थितिमा पुगेको उनको भनाइ थियो ।

पार्टी विभाजन हुनुमा माधव र प्रचण्ड बढि दोषी रहेकाले उनीहरू कुनैपनि हालतमा सफल नहुने बताउनुभयो। सुदूरपश्चिम प्रदेशको अर्थमन्त्रीको समेत जिमेवारी सम्हालिसक्नुभएका नेता बोहराले आगामी निर्वाचनमा आफ्नो जित सुनिश्चित रहेको दाबी गर्नुभयो ।

पार्टीका अर्का केन्द्रीय सदस्य नेता कृष्णप्रसाद जैसीले आधिकारिक पार्टी ओली नेतृत्वको भएकाले कार्यकर्तालाई अन्यौलमा नपर्न अनुरोध गर्नुभयो ।

प्रतिक्रिया दिनुहोस्