तौल घटाउने खाना, जसले भोकपनि कम गर्छन्


ओकेजनता डेस्क
२५ आश्विन २०७७, आईतवार

काठमाडौं । मानिसलाई अचेल आफ्नो स्वास्थ्य र ज्यानप्रति अलि बढी चिन्ता हुन्छ । यद्यपि मानिस स्वस्थ भएर बाँच्न पाउनु उसको नैसर्गिक अधिकार पनि हो । कहिलेकाहीँ आफ्नै लापरवाहीले अस्वस्थ भइन्छ भने कहिलेकाहीँ प्रतिकुल मौसम र अन्य कारणले समस्या हुन्छ ।

बोसोलाई कम गर्ने र मांसपेशीलाई बढाउन मद्दत गर्ने कुनै विशेष खाना पाइँदैन । यसैकारण सबैले आफ्नो डाइट प्लानलाई समग्र रुपमा हेर्न आवश्यकता छ ।

यसैगरी खानाको मद्दतले शरीरको कुनै विशेष अंगबाट बोसो कम गर्ने सम्भावना पनि छैन । तर केही यस्ता खाद्य पदार्थ छन् जसले तपाईंलाई लामो समयसम्म पेट भरिएको महसुस गराउनुका साथै भोक नियन्त्रित गरेर स्वस्थ तौल बनाउन मद्दत गर्छ ।

यहाँ यस्तै चार खानाबारे कुरा गरिएको छ जसले तौल कम गर्नुका साथै बारम्बार भोक लाग्नबाट जोगाउँछ ।


अण्डा


अण्डाले भोक कम लगाउनुका साथै यो प्रोटिनको एउटा राम्रो स्रोत पनि हो जुन तौल कम गर्नका लागि परिचित छ । एउटा ठूलो उसिनेको अण्डामा सयभन्दा पनि कम क्यालोरी हुन्छ । अण्डा बनाउन निकै सजिलो छ र यो छिटो पनि बन्छ ।

यसले तपाईंलाई जङ्क फूडबाट पनि टाढा राख्छ । यसलाई तपाईंले बिहानको खानामा समावेश गर्न सक्नुहुन्छ । यसले तपाईंलाई दिनभरी ऊर्जावान् पनि राख्छ जसका कारण तपाईं पूरा दिन सक्रिय रहनुहुनेछ ।

सलाद

सलाद सधैं एक स्वस्थ विकल्प हो विशेषगरी त्यतिबेला जब प्रत्येक बाइटमा क्यालोरीको खपतको गन्ती गरिँदैछ भने । धेरैजसो सब्जी फाइबरयुक्त हुन्छ जुन सलादको रुपमा प्रयोग गर्ने गरिन्छ । तपाईं आफ्नो रुची अनुसारको सब्जीलाई मिसाउन सक्नुहुन्छ र एक कचौरा सलाद खान सक्नुहुन्छ । अर्थात्, खाना खानुअघि एक कचौरा सलाद खान सक्नुहुन्छ ।

चिया सिड्स

चिया सिड्स हालको समयमा तौल घटाउनका लागि सबैभन्दा लोकप्रिय खाद्य पदार्थमध्येको एक हो । चिया सिड्समा फाइबरको अत्यधिक मात्रा पाइन्छ जसले तपाईंलाई छिटोछिटो भोक लाग्न दिँदैन । जसका कारण तपाईंको तौल कम हुने गर्छ ।

त्यसैले यसको उत्कृष्ट परिणामका लागि आफ्नो नियमित आहारको हिस्सा बनाउनुहोस् ।

मुसुरोको दालः

दाल स्वस्थ हुन्छ किनभने यसमा फोलिक एसिड, आइरन, पोटासियम, थायमिन र म्याग्नेसियम भरपुर मात्रामा हुन्छ । यसमा प्रोटिन र फाइबर पनि उच्च मात्रामा हुन्छ जसले कुशलतापूर्वक भोको भावनासँग लड्ने गर्छ ।

यसमा क्यालोरीको मात्रा पनि निकै कम हुने गर्छ । यो अन्य दालको तुलनामा पकाउन पनि सहज हुन्छ ।

प्रतिक्रिया दिनुहोस्