लुधियानाको एक गाउँमा यस्तो भेषमा थिए यमराज, प्रहरीले चिन्नै सकेन…


ओकेजनता डेस्क
११ माघ २०७८, मंगलवार

काठमाडौं । प्रहरीकै मोटरसाइकल लिएर दाङको घोराही कारागारबाट फराःर भएका कैदी यमराज परियारलाई एक महीनापछि प्रहरीले पक्राउ गरेर सार्वजनिक गरेको छ ।

पत्रकार सम्मेलनका क्रममा प्रहरी उपरीक्षक (एसपी) सुरेश काफ्लेले नेपालगन्जको जमुनाहा नाकाबाट पक्राउ गरिएको भनिए पनि उनी भारतबाट पःक्राउ परेको उच्च स्रोतले बताएको छ ।

कर्तव्य ज्यान मुद्दामा जन्मकैद सजाय भोगिरहेका यमराज गत पुस ८ गते उपचारका क्रममा प्रहरीकै मोटरसाइकल लिएर भागेका थिए । उनी भागेको दोस्रो दिन मोटरसाइकल भने लमही नगरपालिका–६ बेलदमारको जंगलमा फेला गरेको थियो ।

स्रोतका अनुसार उनी केही दिन हिंडेर जंगलको बाटो हुँदै भारत पुगेका थिए । रातारात लमहीको जंगल हुँदै नेपाल–भारत सीमाबाट भारत गएको देखियो’ उनले भने, हिंडेरै नाकाको बाटो हुँदै भारत पुगेको खुलेको छ ।’

उनलाई त्यहाँ रहेका अफ्ना भाइ र साथीहरूको सहयोगमा भारतको पञ्जावको लुधियाना पुग्न सफल भएका थिए । त्यहाँ उनी भेष बदलेर लुकीछिपी बसेको अवस्थामा पक्राउ गरिएको एक अनुसन्धान अधिकारीले बताए ।

कारागारमा हुँदा नाइके परियारले कपाल र दाह्री लामो पालेका थिए । त्यतिबेला उनको हुलिया अहिलेको भन्दा बिल्कुल फरक देखिन्थ्यो । पहिले दाह्री र कपाल लामो पालेका परियार त्यहाँ कपाल र दाह्री फालेर फरक हुलियामा बसेका थिए । हुलिया नै बदलेर बसेपछि प्रहरीलाई पनि चिन्न गाह्रो परेको थियो’ ती अधिकारीले भने, हुलिया बदले पनि आँखा हेरेर चिन्न सकियो । शरीरमा खोपेको ट्याटुले पक्राउ गर्न सजिलो भयो ।’

उनी फरार भए लगत्तै प्रधान प्रहरी इन्टरपोल खटिएको थियो । कैदी यमराज बस्न सक्ने सम्भाव्य स्थानहरू, उनले प्रयोग गर्ने फोन, भाइवर, ह्यटएपलगायतका माध्यमबाट परियारको लोकेसन पत्ता लगाइयो । त्यसक्रममा उनले विभिन्न फोन र सिम प्रयोग गरिएको पाइएको अनुसन्धान अधिकारीले बताए ।

अन्ततः एन्की अपरेसन मार्फत फरार कैःदी यमराजलाई महीना दिनमै पःक्राउ सोमबार दाङ ल्याएको छ । यसलाई सफलता हात पारेको एसपी काफ्लेले बताए ।

यसअघि सो प्रकःरणमा संलग्नता रहेको आशंकामा घोराही कारागारका जेलर युवराज परियारलाई पदमुक्त गरी अनुसन्धानका लागि केही दिन हिरासतमा राखिएको थियो । अनुसन्धानका क्रममा उनी दोषी नदेखिएपछि पुस १६ गते छुटेका थिए ।

यमराज फरार प्रकरणमा प्रहरी जवान चौधरी र तुलसीपुर उपमहानगरपालिका–१० की २२ वर्षीया समी चौधरी पुर्पक्षका जेल चलान भइसकेका छन् ।

त्यस्तै सोही प्रकरणमा संलग्नता रहेको भन्दै घोराही कारागारका सुरक्षा इञ्चार्ज प्रहरी सहायक निरीक्षक रुद्रबहादुर सेन ठकुरी १० हजार र प्रहरी हवल्दार गणेशकुमार थारु पाँच हजार धरौटीमा छुटेका छन् ।

यो प्रकरणमा युवतीलगायत होटलको समेत व्यवस्थापनको काम गरेको आरोप लागेकी घोराहीका सौजन्य खनाल र घोराही उपमहानगरपालिका–१६ की विपाशा चौधरीलाई अदालतले साधारण तारेखमा छोड्न आदेश भएको थियो ।

त्यसपछि तुलसीपुर कारागारका जेलर अमर वलीलाई घोराही कारागारमा खटाइएको थियो ।

यसरी भागेका थिए‘

गर्भवती प्रेमीकाको हत्यामा जन्मःकैदको सःजाय काटिरहेका यमराज घोराही कारागारमा राम्रो छवि बनाएर नाइके बनेका थिए । परियारलाई बजार जाउआउ गर्न छुट थियो ।

काःरागारका कैदीहरूका लागि आवश्यक पर्ने सामानको व्यवस्था गर्ने जिम्मेवारी पनि उनको थियो । एकजना प्रहरीलाई साथमा लगेर उनी जहाँ पनि जान सक्दथे ।

गत पुस ८ गते बिहान प्रहरी जवान धनबहादुर चौधरीसँग उनी उपचारका लागि अस्पताल गएका थिए । छालाको उपचारका लागि गएका प्रहरी जवान चौधरी र कैदी यमराज अस्पताल नगएर घोराही वीपी चोकस्थित थकाली भान्सा घर एण्ड लजमा दुई महिलासहित गएका थिए।

त्यही क्रममा कैदी यमराज प्रहरीको लु ३४ प ४१० नम्बरको मोटरसाइकल लिएर भागेका थिए । भागेको दोस्रो दिन सो मोटरसाइकल लमही नगरपालिका–६ बेलदमारको जंगलमा फेला परेको थियो ।

परियारको खोजीमा डीएसपी मुकुन्दप्रसाद रिजालको कमाण्डमा प्रहरी टोली खटिएको र घटनाको गम्भीर अनुसन्धान गरेको थियो ।

यमराजले जन्मःकैद सजायमा ७ वर्ष काटिसकेका थिए । प्रहरी प्रमुख एसपी सुरेश काफ्लेका अनुसार कारागार ऐन २०१९ को दफा २४ को ३ मा कैदम्याद तोकिएको कैदी भागेमा बाँकी कैदको डेढी बढाई कैद सजाय गर्ने व्यवस्था छ ।

प्रतिक्रिया दिनुहोस्