कांग्रेस सभापतिको मतगणना : यस्तो छ अहिलेसम्मको अपडेट


ओकेजनता डेस्क
२८ मंसिर २०७८, मंगलवार

काठमाडौं । काँग्रेस सभापति पदको मतगणनामा शेरबहादुर देउवाले अग्रता बनाएका छन् । राजधानीको राष्ट्रिय सभागृहमा मंगलबार बिहानदेखि सुरु भएको मतगणनामा देउवाको अग्रता कायम रहेको हो ।

अहिलेसम्म २६ सय ०६ मत गनिसक्दा देउवाले १ हजार २२५ मत पाएका छन् । त्यस्तै अर्का उम्मेदवार शेखर कोइरालाले ९८० र प्रकाशमान सिंहले २०५ मत प्राप्त गरेका छन् ।

त्यस्तै विमलेन्द्र निधिले १६२ मत प्राप्त गर्दा कल्याण गुरुङको नाममा भने १२ मत मात्र प्राप्त भएको छ ।

सोमबार राति साढे ११ बजेसम्म भएको मतदानमा कुल ४ हजार ७४३ प्रतिनिधिमध्ये ४ हजार ६७९ मत खसेको थियो ।

निर्वाचनमा सभापति पदको प्रतिस्पर्धामा देउवासहित शेखर कोइराला, विमलेन्द्र निधि, प्रकाशमान सिंह र कल्याण गुरुङ रहेका छन् ।

प्रतिक्रिया दिनुहोस्